सारंगीच्या शोधात

कुणी एक अनाम गायक
चालत होता आपल्याच धुंदीत
चालता चालता गात होता
कुण्या कवीचे अनाम गीत...

साद दैवी परि ऐकू आली
त्याच्या आर्त गळ्यामधून
आणि एक स्वप्न पाझरले
सारंगीच्या त्या सूरांतून

त्या स्वप्नाच्या मागावरती
माझेही मन चालत गेले
सूरांच्या त्या शोधामध्ये
स्वतःलाच हरवत गेले

रस्ता बाकी वाहत होता
असाच गर्दीनं भरलेला
पण आठवतो तो एकच सूर
मनात कायमचा कोरलेला...

- जान्हवी
...................................................................................................................................
© All Rights to this and all poems published in this Blog are reserved. Reproduction of any kind without prior permission of the Wirter is not allowed.