सचिन- स्वैर अनुवाद

कदाचित, तुझ्यामुळंच सचिन!
माझ्यासाठी क्रिकेट फक्त एक खेळ उरलेला नाही,
तर ती बनलीय एक कविता..
एक सुरेल कविता...

तीव्रता, एकाग्रता, उत्स्फुर्तता,
मनाचा कल, ताण-तणाव आणि आकार,
ताल, हालचाल आणि मिलाफ
आणि बॉल बाऊंडरीबाहेर जाताना होणारा
कल्पना आणि प्रतिभेचा लखलखाट.
आणि सार सारं काही
जे अनिश्चिततेच्या धाग्याला लटकत राहतं...
प्रत्येक हालचालीची गती
प्रत्येक कलात्मक हालचाल
आणि एक द्वंद्व..

हे सारं काही मैदानावरचं एक गाणं नाही
तर दुसरं काय आहे?

म्हणूनच,
हे सगळे शब्द सुचतायत मला,
प्रिय सचिन,
जेव्हा मी तुझ्या खेळाचं वर्णन करयला बसतो...!

मूळ कविता- रमेश तेंडुलकर
अनुवाद- जान्हवी मुळे