कविता एक धग आहे
गोठलेल्या पहाडातली
कविता एक आग आहे
पेटलेल्या समाजातली
कविता एक शक्ती आहे
कोंडलेल्या श्वासातली
कविता एक भक्ती आहे
हात जोडलेल्या मनातली
कविता एक वाट आहे
धुक्यामध्ये हरवलेली
कविता एक वाट आहे
प्रकाशानं भरलेली
कविता एक ज्योत आहे
देवघरात तेवणारी
कविता एक ज्वाला आहे
चिता भडकवणारी
कविता एक भावना आहे
रक्तातून पाझरणारी
कविता एक प्रेरणा आहे
काट्यांमधनं चालणारी
कविता एक कला आहे
अखंड वाहणारी सरीता आहे
कविता एक कला आहे
खरतर, कलाच एक कविता आहे...
- जान्हवी मुळे
...................................................................................................................................
© All Rights to this and all poems published in this Blog are reserved. Reproduction of any kind without prior permission of the Wirter is not allowed.
